Scroll Top

.

SOLID SHINE Laser технологи гэж юу вэ?

“SOLID SHINE Laser” гэдэг нь Панасоник брэндийн  проекторын шинэ үеийн технологи бөгөөд фильтер, ламп зэргийг солихгүйгээр өнгө, дүрсний өндөр нягтаршилтай 20,000 цаг ажиллах боломжтой цорын ганц проектор юм. Panasonic брэндийн SOLID SHINE Laser проекторууд нь бусад лампаар ажилладаг проекторуудтай харьцуулахад өнгөний ялгарлыг илүү нарийн харуулах боломжтой бөгөөд гэрэлтүүлэг, дүрсний нягтаршлын хувьд ч илүү байдаг.

Яагаад SOLID SHINE Laser проекторыг сонгох хэрэгтэй вэ?

Хамгийн тод ялгарал болон дүрсний нягтаршил:

Өмнө нь дурдсанчлан SOLID SHINE Laser проектор нь бусад ижил бүтээгдэхүүнтэй харьцуулахад  ямар ч фильтер, ламп солихгүй удаан хугацаанд илүү өндөр нягтаршилтай өнгө дүрсээр проект хийдэг. Энэ нь SOLID SHINE Laser проекторын хатуу төлөвт лазер гэрлийн үүсгүүр, өндөр халуунд тэсвэртэй фосфорын дугуй цацруулагчийн тусламжтайгаар боломжтой болж байгаа юм. Лампаар ажилладаг проекторуудын хувьд тасралтгүй удаан хугацаагаар ажиллах үед дүрс тасалдах, гэрэлтүүлэг буурах зэрэг асуудлууд гардаг. Тэгвэл SOLID SHINE Laser проекторын лазерын диодууд нь хоорондоо нэмэлт холболтоор холбогдсон байдаг учир диодууд нь харилцан бие биеэ идэвхтэй байлгаж дүрс тасалдах, гэрэлтүүлэг буурах зэрэг асуудлуудаас сэргийлдэг.

Засвар үйлчилгээ шаардлагагүй бат бөх чанар:

Ихэнх проектор хэт тоосжилттой орчинд ажиллуулах үед дотоод эд ангиуд нь бохирдож засвар үйлчилгээ хийлгэх шаардлагатай болдог. Харин Panasonic SOLID SHINE Laser проектор нь агаар үл нэвтрэх оптик төхөөрөмжөөр хамгаалагдсан бөгөөд олон улсын стандартаас давсан маш хүнд нөхцөлд туршигдсан. Тийм учраас SOLID SHINE Laser проекторуудыг хөл хөдөлгөөн ихтэй анги танхимаас эхлээд тоос шороо ихтэй гадаа арга хэмжээнд ашиглахад тохиромжтой.

Цогц хэрэглээ бүхий функцүүд:

Хөнгөн авсаархан хэмжээтэй ч хүссэн байрлалаар суурилуулж болох 360 градус суурилуулалт, холын болон ойрын зайнд проект хийх сонголт, Quick Start/Quick Off(хурдан асаж, унтрах), SOLID SHINE Laser проекторуудыг хооронд нь холбож нэг дэлгэц үүсгэх боломжтой зэрэг маш олон функцүүдийг өөртөө нэгтгэсэн.

Эрүүл мэнд, байгаль орчинд ээлтэй:

Лазерын гэрэл нь ердийн лампын гэрэлтэй харьцуулахад хараанд илүү сөрөг нөлөөтэй байдаг хэдий ч SOLID SHINE Laser проекторын сарниулах линз нь лазер туяаны энергийн концентрацийг нүдний хараанд аюулгүй түвшинд хүртэл бууруулдаг. Мөн SOLID SHINE Laser проекторуудад хар тугалга, мөнгөн ус, галогенжуулсан галд тэсвэртэй материал зэргийг ашиглаагүй нь RoHS/Аюултай бодисын хэрэглээг хязгаарлах/ журамд нийцсэн байгаль болон эрүүл мэндэд хор нөлөөгүй бүтээгдэхүүн билээ.